03/04.06.12 - Boston

Hoi zäme

 Bi wunderbarem Sunneschii, simmer vom Inder Motel i dem Vorort vo Hartford nach Boston losgfahre.
D Fahrt het ca. 2h duuret, da mer d Mautstrasse gmide hend. Mir sind direkt nach Braintree gfahre zum Motel 6, da mer d Hoffnig gha hend - dases na echli es günstigers Motel um de Egge het. Wil in Braintree fahrt gad na d Metro here, so dasmer schnell in Boston wäri.. Ja, d Inderfrau a de Reception  het eus s Zimmer aber nur für 85.- chöne abüüte mit allne Tricks womer agwendet hend - drum simmer denn eifach an nächste Bahnhof gfahre und hend de Parkplatz mal Zahlt.



Ja, nur fahrt de Commuter Rail nöd allzu oft und mer hend wohl vergässe dases Sunntig xi isch - da mer ganzi 1.5h uf de Zug hend müsse warte. Guet, er isch denn bald mal cho aber s Wetter het so öbis vo zuetaa, dasmer nüm soo die gross Lust ghah end zum alles abchecke.


Wo denn de Kontrolleur cho isch & eus 2 Tickets verkauft het & das ganze USD 25 kostet het womer knapp in cash debii gha hend, simmer doch meega verdutzt xi und hend eus chli müsse zemerisse. Mer hend so e risigi Vorfreud uf die Stadt gha und s erste mal uf dere ganze Reis hets mal nöd soo klappt wis het sölle. Janu gelled, solangs nur so chlinigkeite sind. Mer sind denn nach 30 Minute vo West Hingham z Boston South Station acho und den het eus de Zugnachber na usebegleitet und mer hend mit ihm chli gredet, er het eus den zum Infoschalter bracht und eus zeigt wimer am beste Startet - mitem FREEDOM Trail. Das isch eigentlich das must see in Boston, es sind all Sehenswürdigkeite entlang vomne rotkennzeichnete Weg wo ca. 4km lang isch.

Ich zehl eu ezt mal kurz paar stopps uf, daser d Bilder denn chönd zueordne:)
Boston Common, The Statehouse, Park Street Church, Old Granary Burying ground, Kings Chapel, State of first public school, old corner bookstore, old southmeetinghouse, old north church, bunker hill monument & USS Constitution. Denn hemmer na de Boston Celtic Fanway Park xeh, Quincy Market und d Skyline bim usefahre by night inkl. es Füürwerk.


Was mer na hett chöne agüxxle, wer s MIT & Harvard & Cambrige Uni xi und d Shoppingstrass, doch euse Zug isch nur am 5i, 8i oder 11i zurgggfahre so dasmer uf de 8ti hend müsse ga. Mer hend ezt mal en guete Idruck vo de Stadt, s isch e suuberi gmüetlichi tüüri Stadt, wo d faszination eigentlich drin bestaht vom zemespiil vo de neue moderne gebäude und de alte traditionelle. S North End isch es little italy mit villne Restis und Cafes, ziemlich herzig ghalte.

 Denn simmer wiiter zu de Restarea go pfüsele, s isch uu kalt xi und am morge het eus en Parkranger wo dete im Infocenter schafft ad Schiibe klopfet zum fröge ob alles ok isch bi eus, will mer de eint Stuehl dusse gla hend & de pflotsch nass worde isch - das s soo abegleert het. Kurz druff abe simmer denn zu de Berlin Mall gfahre, womer kurz in Wallmäde gange sind zum nachli die Amerikanischi Wirtschaft azkurble, bevor mer ezt schowider über d Grenze nach Montreal gfahre sind. S Motel wider mal vo 75 uf 50g abegmärtet, mega herzig im grüene usse. Morn gömmer denn id Stadt denn wiiter nach Ottawa & Toronto.

PS: Im Jetty Park in Cape Canaveral simmer na vo Local 6 Orlando interviewt worde über de Rocket Launch. Und in Charleston hemmer plötzlich paar Polizeiautos vor eus gha wo eus de Wegabtrennt hend, da igend öbert wichtigs Eskortiert worde isch - das gaht ab wie im Film.