01.06.12 - New York (02.06.12)

Yepaaah - nachere ungeduldige Nacht simmer am morge früeh ufgstande und hend bim Pakistani ade Reception welle go uschecke, mer hend ihm den xeit dasmer s Auto da lönd und am Namittag wider holet willmer id Stadt inegönd. Hetter nur glachet und eus xeit dass das sicherlich nöd gaht.. ja mer cha si nöd mal bestääche - so stuuuri ****

Naja, eusi Vorfreuud und Reiseerfahrig het sich wider mal uszahlt, mer sind gad unde draa uf en "Park & Ride" Parkplatz gfahre, womer direkte Busaschluss id Stadt het. Vo New Jersy, Lincoln Tunnel Station hemmer mit Stossziitverkehr ca. 25min. gha und debii die wuunderbar Skyline na gnosse! De Weg kostet gad mal USD 3.- pro Person und s Parke 9 USD für de ganz Tag, das isch na zimlich gnädig. I de Stadt selber bimne 2h Parkplatz wends 4 USD pro Stund. Acho simmer bim Port Authory, ca. 41 Street, aso z mitzt inne. Da mir beid New York kenner sind - hemmer eus grad z recht gfunde und sind richtig Times Square gloffe, denn in Bryant Park es Kaffi go neeh und zum Chrysler Building gloffe, wiiter zum Empire State Building, zum Flat Iron und ufe via Times Square zum Central Park - dete hemmer z Mittag gässe, und abe via 5th Avenue wider zum Bus und i 10min zrugg zum Auto und richtig Boston losgfahre.

Ihr glaubet ned wie viiel Stau dases gha hett.. Aso erst simmer na über so en schöne Pass gfahre, da mer d Mautstrasse meidet - mer Spendet dene doch nöd immer 20 USD?? Wo simmer denn? So hemmer nachli öbis vo de Landschaft und träffet immer uf schöni Plätz.

(Hudson River)

Mer hend denn uf de Rest Area welle pfuse, s isch eus denn aber z mysteriös xi drum simmer is nächste Dörfli, da das allerdings direkt am Meer xi isch und s Friitig abig xi isch - ischs bizzeli über euserem Budget xi... simmer richtig Hartford is nächste Motel 6 gfahre... hüt simmer denn chli gmüetlich unterwegs xi, das recht abküehlt het für eusi Verhältnis nur na so 15-20 Grad mit Räge :( Janu, mer hend d Malls da uscheckt, es anders Motel gno und gönd denn morn uf Boston, s reise isch halt doch asträngend :)