Soo hüt am Morge mit wunderschönem Sunneschii ufgstande, s Zmorgebüffett gnosse und los gfahre uf Philly. Nach knapp 3h Fahrt hemmer z mitzt i de Stadt parkiert und hend für 3h Ziit gha zum d Stadt erkunde. Mer hend eus sehr schnell z recht gfunde, da s Touristisch attraktive alles a eim Punkt liit. Es sind: Independence Hall, de Washington Square, Liberty Bell, alles isch umgä vo schöne grüene Baumallee. Denn simmer na kurz zu de Penns Landing füre gloffe, wos a all Ire gedänket. Zudem hemmer natürlich d Jewellery Row na abklapperet, das isch die zweitbest nach dere z NY.
Chli wiiter weg hemmer na d Philadelphia City Hall xeh i ihrere voller Pracht. Aber au s Staufahre id Stadt mit dere Skyline isch na schön xi. Vo det us sticht s One liberty Place und s Comcast Center use. D Stadt so hemmer eigentlich schnell chli xeh - will wemmer chli us de Touri szene usegaht wirds eim scho chli komisch nach dene Bricht vom Louis Theroux, was da so sött abgaa z Philly...
Ja, wiiter simmer gfahre richtig Boston... wo mer bim iidunkle so am 7ni denn d Skyline vo New York xeh hend - isch euses Herz doch schwach worde :) so dassmer kurzfristig na es Motel gno hend und morn de gaaanz Tag nachli id Stadt inegönd !! =)
Keine Kommentare:
Kommentar veröffentlichen