Zu hüt gits eigentlich nöd vil z verzelle... mer hend eus überleit obmer in Joshua Tree Nationalparkk söllet fahre... den wäremer aber namal zrugg gfahre dur de riise Stau richtig LA ufe, und dadruf hemmer kei lust gha, drum simmer richtig Phoenix losgfahre. Uf paar Tipps hii, hettemer chöne Alpine & Yuma aluege, das sind alti Indianerstädt wos na teils Reservat hät. Da mer aber bereits d Hopi kenneglernt hend etc. hemmer das den usgla und sind wiitergfahre, bis uf Yuma - det hemmer es z Morge, z Mittag, Z Nacht Menü hinderebiiige, lüüt es isch sooo fein xii mer sind nacher usem Denny s Dinner usegruugelet :) S Highlight da isch xi, dases 1. wider schööön, fast chli erdrückend warm xi isch, mer sind halt da wider im Wüeste Gebiet 2. mer hend en Kolibri xeh währetem ässe 3. d Gränze zu Mexiko isch grad nebet eusem Weg verloffe 4. en riise Truck het eifach es halbi Wohnig transportiert.
Weg dere Gränze hends au z mitzt ufem Highway/Interstate en Boarder Passport Controll igrichtet, wo all Autos münd ahalte, sie det mit de Spüürhünd stönd & alles kontrollieret und alueget. Nachemne Witzli vom Polizist hemmer den chöne wiiterfahre als wer nüt xi. Isch scho na rächt beiidruckend, wemmer eifach über jensti Kilometer en riiisigi schwarzi Muur xeht wo mit strängste Sicherheitsvorkehrige bewacht wird... ufem Interstate 8, hets den überall na so krüz gha, als adenke a die verstorbene. Obs illegali Iwanderer oder Autounfäll xi sind, wüssemer nöd. Ja, au d Polizei rsp. d Highway Patrol wie sie sich da nännt, het eus chli verfolgt und umen hahne wider mal usepickt :) Da si eus aber nacher sicher 20 km/h z schnell überholt het, simmer mitmne seufzer devocho. Mer hend hüt eigentlich vorgha mal im Auto z pfuuse, da mer denn Phoenix usgla hend und richtig Albuquerque wiitergfahre sind wer das passend cho. Nur simmer bim idunkle gad in Flagstaff acho, womer sind go Wasser poste im Safeway und gmerkt hend wie chalt und höch obe dasmer eigentlich sind. Uf ganze 2106m, aso ihr chönd eu vorstelle wie frisch dases isch. Drum hemmer kurzerhand bim Motel aghalte und mal nach Priise gfrögt. Erst hets gheisse 45 USD, hemmer gfunde ja nei - merhend im Internet es Agebot xeh für USD 30.- somit het sie den gfunde ja das chön sie eus au abüte eifach ohni Taxe, sodass mer ezt 35 USD zahlt hend mit allem drum & dra... ja jaa mer wüsset ja wie das alles lauft ;)
Keine Kommentare:
Kommentar veröffentlichen