26.05.12 - Asheville

Mer hend eigentlich gar kei lust gha zum na id Stadt z fahre, nachdem mer sooo gmüetlich im MC euses gwöhnliche ässe gnosse hend. Es isch extrem warm zum Sightseeing mache. Janu mer sind nur eimal da, drum hemmer eus na en Dessert gönnt und sind uf Asheville inegfahre. Direkt in Downtown parkiert, gad en parkplatz gfunde es lauft wie am Schnüerli. D Stadt hett mer relativ guet im Überblick, es het 3-4 Hauptsträssli, mit Restis, Musik und Giftshops.

Es isch na schön da, es isch Multikulti, uf emna Plätzli im grüene sind d Hippis am Gitarre spile und hend so en chline Marktstand. Denn hets paar schöni Gebäude und en Brunne sowie en Obelisk devor.

Ja womer denn zrugg cho sind zur abgloffene Parkuhr (nei Scherz, es het na perfekt 3 Minute druff gha) hemmer denn glich namal oder schwider es Knöllchen igfange :( wüsseder wiesooo??? Will d Noemi wunderschön, perfekt in Siiteparkplatz inegfahre isch - aber uf die verkehrt siite, jawohl - s Auto isch nöd in - Verkehrsrichtig gstande sondern halt anderst ume, und das passt de "fuule" Amis nöd... hehe janu USD 10 verliidemer gad na. Da chunnt eus gad d Dr. Oetker Werbig vo früehner in Sinn:

-Oh, Hallöchen.
-Ist das ihr Wägelchen?
-Hmm..Ich hatte grad n' Hüngerchen.
-Dann hab ich hier ein Knüllchen.
-Und wie lösen wir das Problemchen?
-Vielleicht, mit einem Becherchen?

Und PS: da mer wüsset wie d Hotelbranche lauft, hemmer es Motel gfunde bi so Inder - statt 75.- hemmers für 50.- becho ;) Am Morge simmer na per Zuefall womer uf Motelsuechi xi sind, anere Dog Show verbii cho, wo d Hünd und d Herrchen imne Parkour ihres beste gä hend.