Albuquerque
Nachem mer Phoenix uslah händ, simmer uf Albuquerque (mer seit: Al-Bu-Kuör-Ki) inegfahre. Es isch wieo au vieli benachbarti Städli sehr indianisch prägt. Es wird vill handgmachts und Kunscht verchauft. Mit sind dänn mit de Wulledecki chli inen Park gläge, wo z'mizt in Old Town Albuquerque gsi isch. Es isch würklich schönd, d'Hüser sind no im alte Stil mit Lehm verputzt.
Ufem Rückweg simmer dänn no bim Botanical garden verbi cho, wommer imene Restaurant es riese Aquarium mit Haifische und Mantaroche drin gseh händ. Und ab is Auto zu de negschte Station...
Santa Fe
Mit irgendeme Ziel im Navi simmer richtig Santa Fe gfahre und im gaggo usse glandet... nach dem mer den s neue Santa Fe gfunde hend hets mal en rast im Wall*Mart gä womer eus chli abküehlt hend. Denn simmer wiiter in Burger King go z znacht ässe und den na richtig San Miguel chile gfahre wo im alte Teil vo Santa Fe liit. Au dete hets überall Indianerboutiquä womer chli schnigg schnagg chan poste. D San Miguel Chile isch na schön xi, es het au gad es bächli chli wiiter unde mit paar Pick nick bänk und so.. aber sust ischs nöd gad erwähnenswert. Vorallem de Neuteil isch eifach 1 Strass mit links und rächts Imbissbudene und sustige läde...
Amarillo
S einzig geile a Amarillo sind die Cadillac wo verkehrt im Bode igrabe sind, womer gad sind go bespraye :) das het ja spass gmacht.. Den hemmer es Baseball batting cage gsuecht aber leider keis gfunde, denn hemmer picknickt imne gmüetliche Park, wos aber megamässig gwindet het. Den simmer chli dur d Stadt gloffe, aber das wüki sooo e drückendi hitz isch simmer den bald mal wiitergfahre. Fort Worth hemmer usgla, damers langsam aber sicher chli xeh hend mit de Indianerlädeli und so... drum simmer direkt wiiter mitere ca. 7h fahrt nach San Antonio. I dene 7 Stund hämmer es richtigs Gwitter miterlebt, mit chline Sand-Tornados wo über d'Strass gfäget sind. Dänn isch es Stinktier uf de Strass gläge, wahrschinlich überfahre. Wommer nöcher gfahre sind, sind zerscht mal all Geier weggfloge und mir händ dänn au definitiv gmerkt, will mer nöd Umluft drin gha händ, dases es Stinktier gsi isch! Büähhh sicher öppe no 300 Meter nacher im Auto :P Dänn häts au vill herzigi Städli underwegs gha mit schöne Hüser im alte Stil. Und immerwieder sind Echse über de Highway grännt. Es isch eifach herrlich wasmer alles erlebt i de Staate.. :)San Antonio
Die 6st grösst Stadt vo Amerika, die 2t grösst in Texas... de hammer!
Geg di 7ni hemmer eus usem Motel mit Pool alag und wellnessbadwanne dur e 6spurigi Interstate 10 id Stadt getraut. Ufemne Parkplatz hemmer de Charre für 5 USD heregstellt und sind richtig The Alamo gloffe, das isch en meega schöne platz dete. Denn ischs idunklet womer zum Riverwalk cho sind, das isch de Traum... entlang vom Fluss hets jeeeensti herzigi Restaurants und Bars und d Stimmig isch eifach de hammer - so richtigs Feriefeeling halt mitem Mexikanische touch.Und au für d Romantiker unter eus, hets e Kutschefahrt im Cindarella Kürbis.
Hüt simmer denn go Baseballs id Luft haue - das isch ja GENIAAAL =)
S het verschiedeni Stufene, 40mph/50/60 oder 80g. für 10 Dollar chasch 208 Bäll durelah, und das zieht dänn au i de Ärm. Aber das ischs allemal wert! Lüt mer hend 2 mal im Auto pfuuselet, drum hemmer kei Internet gha, isch na zimmlich gmüetlich. Ufem Interstate hets überall so Rest Area wos Wc etc het wo täglich greiniget werdet und wo mer au offiziell und sicher döf pfüsele :)
Jetzt gaats wiiter id Hauptstadt vo Texas, Austin. und lüt mer gönd ezt de Kony Reimann go sueche :P
Keine Kommentare:
Kommentar veröffentlichen