16.05.12 - Miami Beach

Mir sinds eus am guet gaa la :)
am Mentigabig simmer go Miami Marlins luege, das isch euses erste Baseball erläbnis xi. Mit de vorkaufte Tickets im Internet und em Parkplatz vo zuesätzlich USD 15.- simmer innere 20min. Fahrt scho dete xi. Die Riiisig Arena erschint vor eus... und x Lüt und Poliziste rundume... mer hend den z erst mal na s Parkhuus gsuecht, aber de Polizist het eus gnau xeit wimer dethere chömet, und s lustige isch xi - dasmer ufem Weg is Parkhuus hets jensti Awohner gha, wo mitemne Schild Ihres Land als Parkplatz abote hend, au zum 15-20 USD verdiene :) die wüsset wies lauft hä...

Ums Stadion hets amel 4 risigi Parkhüser. Is Stadion simmer au mega schnell cho, kurzi Schlange - Ticket scanne lah - Täsche abchecke und loooos... WOW isch das gross xi!! 3 Rollträppe ischs deruuf gange zu eusne Plätz, wo für USD 15.- super TOP xi sind. S Game het agfange, d Essverkäufer sind umegloffe ;) bis mer chli im Spiel inne xi sind, hets en Moment duuret, willmer nanig ganz mit de Spielregle vertraut xi sind. Da mer jedoch es Matchprogramm becho hend, hemmer eus schnell igläse und hend chöne folge.. s isch spannender als mer denkt. 3h später hends d Marlins denn leider verlore, aber s highlight isch xi, das sie nacher d Dach na ufgmacht hend.

 Sust unterem Spiel hends immer wider chli Unterhaltigsprogramm, wie zb Cheerleaders, Spiel wo öbert vom Publikum chan Fanartikel gwünne, d Kamera wo d Lüt ifangt, d Kamera wo d Päärli ifangt wo sich es Muntschi münd gä, Musik etc etc.

 S Esse & Trinke im Stadion isch erstunlich Tüür, für es Bier 9 USD für en Hot Dog 7 USD, aber d Amis biiget ine. Womer s Stadion verlah hend, hend d Cheerleader verusse na e chlini Show higleit und d Lüt zum mitmache animiert ;) Ufem Heiweg isch denn leider eusi Usfahrt gsperrt xi und s Navi het eus immer wider uf die glich Strass gfüehrt so dasmer sicher 3omin. im seich umegfahre sind :) Aber igendwie chunnt mer immer ah. Und da hends Toll Highway, womer nöd chan umga.. aso zahlt mer immer chli...

Sust isch s Wetter leider nöd so de brüller, so dasmer oft eifach chli umechillet fein kochet und eifach chli Ziit gnüsset. Ja, z ässe hemmer zuuu genüege - münd ezt alles na verschlinge, denn morn gahts wiiter nach Key West, denn direkt nach Orlando - Daytona Beach etc etc. u'll hear from us.