05.04.12 - Seattle

Hey eusi liebe BLOG-Verfolger :) Nachdem mer in White Rock gmüetlich übernachtet hend & mitem Motelbsitzer chli Witzli gmacht hend über Gott & die Welt, und er natürlich au en riise Schwiizerfan isch & natürlich au scho dete gschaffet het, hemmer euses Autopackt & sind uf de Weg nach USA.

Nach meega schöne Landschafte isches denn au bald so wiit xi, s Schild USA Boarder het i allne mögliche Farbe blinkt. Mer hend zwar keeei Ahnig gha, wo, wie wenn was - dass ezt uf eus zuechunnt rsp. welli lieb Kollone dasmer söllet neh zum astah, doch de netti Herr Gränzwächter het eus den es Zätteli uf de Pass kläbt & eus uf s Immigrationhüüsli verwiise. Nach ca. 1h astaah simmer denn a de Reihe xi, dasmer nur es Formular hend müsse usfülle, chli Fingerabdrück gä und id Carl Zeiss Cam grinse, d Zollgebühr zahle & LOOOOOOOOOOOOOS :)

D Landschaft gfallt eus scho ezt megamässig, s isch eifach beiiidruckend - die Wiiti wo das Land het & das isch ja meingott na nüt xi;) Mir hend den au gad en erste Halt gmacht im Wallmart, wo eus d Auge fast usegheit sind.... natürlich vil länger als denkt hemmer den dete chli eusi Ziit vertribe und chli kröömlet. (PS: Chaschder d'Schrottflinte us de Glasvitrine uussueche und vor Ort chaufe...)

 So nachme kurze Rägegüssli vo 10-20 Sekunde ischs dur e Waldstrecki richtig Seattle gange, womer euses Motelzimmer bezoge hend, mitmne megaschöne Usblick direkt uf d Skyline.

Mitem Bus simmer i de Rushhour uf Seattle Downtown, und scho simmer wie ein Wunder am Space Needle verbidüset - und scho wäremer z'mitzt in Grays Anatomy :) Verbii am Public Market und de jenste Starbucks Coffees, welle au immer de Erst mag xii sii?! hemmer den scho glii glii eusi Manuela in Empfang gno. Morn gits den namal es Tägli in Seattle & denn gahts los richtig National Parks.

Cheerio!