04.04.2012 - Ade Vancouver, Hello White Rock!

Euse hütig Tag startet wiedermal mitem letschte deftige Früehstück im Hotel. Nachem Ässe hämmer uscheckt und sind no chli go Vancouver aaluege, diesmal uf di ander Siite, also Grainville, How Street etc. und WOW! Wunderschöni Gebäude, moderni Hochhüser und immerwieder grüeni Oase dezwüsched: :)

Nach dem Walk isches wieder zrugg zum Hotel gange fürs entgültige "Tschüss" säge; Mir holed etzt nämlich euses gestrig kaufte Auto! :) Also uf zum Skystrain Richtig "Richmond".

Deet Acho hämmer euse Silverstar in Empfang gno...Okay rächt dräckig, aber hey! Er isch eus! hehe

20 Meter nach de Garage ghaltet und alles iigstellt und abcheckt, Navi installiert und Whiterock, euses negschte Ziil iigä.

S'fahre isch überraschend gmüetlich, 80-100 km/h ufem Highway und 50 innerorts. Das mir de Chrüzige isch no chli tricky, aber es chunt :) Bevor mer aber uf White Rock inegfahre sind, simmer eis Exit früehner use zum Örtli "Cresent Beach" miteme Strändli. Deet chli umespaziert und d'Meerbrise gnosse. 







Nachdem schöne Nebeduusflug simmer is Motel uf Whiterock. De Nammitag hämmer eus bimene Bsuech bi A&W (Burgerbude) und zwei Malls vertribe. Morn gaats ha überd Gränze id Staate...

So Long

Grüess a d'Schwiiz :-)