03.02.12 - Cars dont hide

Schön usgschlafe simmer am morge am 7ni go zmörgele im ne chline Bunkerkäller, wos feine Osaft us em Automat git :) Mit em Skytrain simmer nach Richmond gfahre, zum die einzelne Autogarage abzklappere... bim erste Verkäufer simmer grad richtig glandet, nach dem mer eus usere Luxuskaffimaschine en Bütelkaffi gmacht hend, und eus uf sini Agebot gfreut hend. Nach dem er eus 2 Autos zeigt het & mir nöd druf agsprunge sind, hetter sini Taktik gänderet & isch plötzlich es Fraueli namens Anna is Auto gstige wo eus ab sofort betreut het - er het sich denn eifach so vom Acker gmacht... guet, sie het denn ohni PC nur mit 3 Siite Excel eus na welle es wiiters Auto atrülle wo aber au mit ihrne hübsche falsche Wimpere doch nöd ganz klappet het :P So simmer zu de nächste Garage..

 

Nach dem mer mitem Bus eifach mal is Nimmansland gfahre sind, hett eus denn de liebi Buschaffeur eifach gad bi de richtige Adresse useglaah und eus de wäg gwiise, das würd eim ja ide CH au nie passiere;) So simmer zum Auto Liquid Center z Richmond glandet.. nachdem eus eine 2-3 Wäge zeigt het, die eus aber nöd gfalle hend, ischer den wider in schärme & mir hend eus d Füess nachli nass gloffe.. so simmer uf s Auto gstosse :) rsp. de Ulli, en Herr gesetzten Alters wo ursprünglich usem Schwarzwald stammt, het de eus den na kurz zeiget...and thats now OUR BABY - Mazda MPV silber mit 160 000 km für en unschlagbare priis - SO PLEASE MTV PIMP MY RIDE=) Fötelis vom Auto folget morn, wemmers denn chönnd in Bsitz neh wens blitz & blank isch und mer euses Reisepüppli d Manuela (ehemaligi Arbeitskollegin vo de Noemi) ufladet!

Und heeeey - hüt isch de super Tuesday, rainy cold day in Vancouver, mit Pizza Slice für CAD 1 !!! das isch doch mal öbis oder...... so ezt nachli Vancouver gnüsse & denn heissts scho-> Welcome USA