Am hütige Tag isch d'Besichtigung vo Salt Lake Citiy ufem Programm gstande. Nacheme guete z'Morge im Howar Johnson Motel simmer grad direkt zum Mormonetempel gloffe. Deet acho simmer grad fründlich vonere dütsche Mormonin und ihre samoanischer Kollegin aquatscht worde. Die zwei händ eus e chli über d'Gründig vom Mormonetum mitem Joseph Smith verzellt, eus gseit das villi vo ihrne "Schwöschtere" us allne Teil vo de Wält chömmed. Das hät mer dänn au am jewilige Schildli oberhalb vom Name gseh, wo d'Flagge vom Herkunftsland ersichtlich gsi isch. Und würklich, es isch sind Lüüt vo allne Egge us de Wält deete gsi; Japan, Brasilie, Pole...rächt iidrücklich.
Nach dem mer no e chli en Rundgang ufem Areal gmacht händ, simmer no is Capitol ufegloffe. S Regierigsgebäude, wo uusgseht wie das in Washington.
Aschlüssend simmer no chli id Stadtmitti zu de Shoppingmeile. es isch bis jetzt glaubi di schönsti Shopping Area gsi womer jee gseh händ, miteme Bächli und e chli grüen zmitzt inne namens City Creek. :-)
Nach dem Sightseeing isches dänn au scho wieder uf de Highway gange richtig Arches Nationalpark.. Aber dänn...
PÄÄÄM, Tachometer funktionmiert nümme, ABS und Bräms am blinke... Stop, negscht Exit use zunere Garage, Fazit; En Sensor häts putzt, keis Problem für de Motor, nur s'ABS und de Tacho funktionieret nümme. Teili uuswächsle Koschtepunkt : 200$, nur leider keis an Lager.
Okay, wiiter gaats i di negscht glägeni Stadt wos das Teil sicher git bimene Mazdavertrieb; FALSCH, 3-5 Täg Lieferfrist Koschtepunkt: 300$.
Okay, egal, wiitergats ohni Tacho mit blinkende Liechtli uf de Highway richtig Green River, das Städtli vorem Arches National Park. Und deet hämer jetzt au iicheckt.
Bis Morgeen
Keine Kommentare:
Kommentar veröffentlichen