Soo nachere gmüetliche Nacht simmer ad Tankstell go z morge poste... hee d Amis wüsset eifach was es bruuucht anere super abglägne Tankstell i somne chline Kaff... eifach ALLES erdenklich nützliche findsch det inne... so was würd bi eus mal rendiiere! Bide losfahrt isch den plötzlich au euse Tachometer etc. wider gange.. mer hend eus all mega gfreut, nur het die freud ca. 10min. aghebet bismer wider s liechterspiil gha hend uf de Azeig.
Nach 2-3h fahrt simmer dur e mega schöni Felsformation gfahre bismer denn de Arches National Park erreicht hend. Da mir eus e super Jahreskarte für all Pärks kauft hend, hemmer eifach chöne inefahre & los ischs gange.. scho die erst Strass deruuf id Felse isch iiidrücklich xii wie nüt, mer sind usem stuune gar nüm usecho. Bide erste mögliche Haltestell hets den au en Fotistopp gä, womer gmerkt hend wie extrem warm dases ufeinmal plötzlich worde isch & wie windig dases chan sii, mer sind eus vorcho wie inere glandetet Wüesti.
Mer hend den chli de Park abchecket & sind zu de berüehmte Windows (
Bild) gfahre & hend det es spaziergängli gmacht vo ca. 2 km, herrlich isch das xi wenn au chli asträngend & heiss.
Bim nächste Stopp hets paar viewpoints gha wommer namal es hügeli deruf gloffe sind vo ca. 1km, wos aber voll nöd bracht het.. eifach asträngig puur für nöd würklich en usblick.. aber hey - we tried.
Bim nächste Stopp sind den d Dame müed xi & hend de Herr elei la gaa, er het d Wandmalereie welle go agüxxle & eus sind 5km laufe i de mittagshitz chli z vil xi, drum hend mir eus na de Reste vom Vorabig als Lunch gönnt - thx burrito!
Jap, und wiiter simmer gfahre in Richtig Bryce Canyon und uf de Fahrt hemmer jensti vielfältigi Landschafte durchquert sind in Rege inegfahre mit Hagelbölleli und Windböe, oder denn hets sogar kurz gschneit.. bim Motelsueche hemmer chli z guet Pokeret & sind paar Motels vor em Bryce go abchecke, denn hemmer denkt ja nei chum gömmer gad wüki füre vor de Park - ja det sinds leider denn doch chli zuuu teuer xi, so dass mer im stockdunkle creepy Redland Park, sogar dur so es Stei-"Window" dure, wie inneme Horrorfilm, namal zrug gfahre sind i ca. 10min. i sones herzigs Motel wo rächt chillig isch... here we are... cu 2morrow guys.
Keine Kommentare:
Kommentar veröffentlichen