06.04.12 - Space Noodles

Hi Blogglikers

Nachere a***chalte Nacht im Motel (Danke a dere Stell am Dorli für d Inneschlaafseck - Amis.. känned ihr s'abdichte nöd?!), isch Euse letscht Tag in Seattle nöd ganz schwindelfrei gsi. Gstartet häts miteme Meet&Greet mit de Manu am Public Market in Downtown womer dänn als erschts d Gum Wall betrachtet händ, e Wand voller Kaugummi.. jede wo deet heregaat chläbt siin Kaugummi ad Wand - also we did.

Dänn simmer zäme zum Columbia Center gloffe. Ab gaats is höschte Gebäude vo Seattle in 75. Stock (ca. 320m isch das Ding höch). De Usblick isch super gsi, i alli himmelsrichtige. Mer gseht, de Hafe mit allne chliine Böötli und de riesige Frachter, oder au de Highway sowie au Waldgebiet. Eifach Mega!

Nacher simmer noch chli umeglatscht und dänn zu de Seattle Library cho (Bibliothek). De nächschti Halt isch bim Crowne Plaza gsi, will d'Manuela deet d Lehr gmacht hät. Wie's de Zuefall so will isch deet grad au no d'Registration gsi für e Sakura, Manga und Anime Convention - dass heisst: Alles voller japanischer Manga Fans in Kostüm, verchleidet als Ritter, oder Figure us Videogames, mit riiesige Waffeimitatione.. haha eifach z'vill wämmer gseht dass die Lüüt ihri 5 Meter Helebarde mit is Restaurant nämed wo mir sind go ässe x'D...

Okay...Nach dem simmer in Norde vo Seattle gloffe. Capitol Hill nännt sich de Ort. Relativ gmüetlich mit villne Beizli etc, so chli Vorort-Charme. Wiiter häts deet no en schöne Park gha womer chli ufd Wiese chillt sind. Nach es paar Kunstturn-Versüech vo de beide Manus, isches dänn abe zum berüehmte Space Needles und wiiter an Hafe gange ufen Drink für die villne gloffnige Kilometer.

Morn Morge heisst für eus wieder Sache packe, Auto starte und ab uf de Interstate (Autobahn) richtig Spokane - Yellowstone Nationalpark:

 

Das war's Seattle, Good Bye! =)


PS: In kürze folgt na es Workout vom Manu - wiemer trotz Mc Donalds&Co. trotzdem sis Gwicht halte chan... oder zumindest nöd verdopplet... :-P