07.04.12 - Silverstar

Hi Guys

Soo Auto packt & Motelschlüssel abgää, Reisepuppi begrüesst simmer us Seattle usegfahre - bye bye Space Noodle. Mer sind dur jensti schöni Gegende gfahre... uii nei isch das beiidruckend - zwüschet Schnee und Berge, plötzlich en See & Wüesti.. de hammer... es ufregends erläbnis hett euse Driver gha.. nachdem mer na gwitzlet hend über d Police, ischs doch promp passiert, dasmer es Meileschild verpasst hend. Undere Brugg hett de Officer uf eus gwartet - plötzlich fahrt er eus naah & mer münd usefahre - *zitter/bange*

Driver Licence please - ok and an ID from all of you. Guet hetter das zügs gno & isch i sin Dodge zrugg go alles kontrolliere... nach gfühlte 2h ischer denn zrugg cho & het eus höflich druff higwiiise dasmer nur 65mph statt 75mph döf fahre. Guet ja das gits wemmer hunger het & eifach nur zu Wendy s oder Taco Bell wet :)

Bis ezt hemmer a eusem Silverstar erst ei makke gfunde & zwar gönd kei CDs sodass mer bi de bekannte Lieder eifach vollehahne mitgsunge hend - leego miiooo was für en Spass & da gönd die 8h Fahrt, 2mal Tanke ganz kurzwiilig ume..vorallem da im Radio all Stund di gliiche Lieder wider chömet simmer sowiso Top debii. Denn hemmer na usegfunde dasmer d'Wendy gad mitgnoo hend - hoffe mer münd wege dem nöd namal mit de Officers verhandle ;)

Ezt simmer im Budget Inn Motel wo wunderschööön isch - de hammer für das Geld, morn stömmer bi ziite uf, fahret 3h & denn simmer scho im Yellowstone National Park !!!