Mittwuch, 18.04.12 (das muss erwähnt si, da mirs nüm so mit de Wuchetäg hend) abfahrt richtig Sequoia Nationalpark in ca. 2h vo Bakersfield bi gfühlte 30 grad im Auto. Da mer am Vorabig relativ spat acho sind, ischs eus sehr schwer gfalle zum überhaupt ufstaah, mer hend denn aber packt und sind dur e mega schöni Landschaft gfahre, verbii a Orangebäum, Rebbe und Erdölgrabmaschine... Ufem Weg kurz vorem Park na kurz go z Mittag ässe... in A&W Burger, wo mer dazumal in Kanada sooo en hammer Little Buddy Burger gässe hend - wo mer eus sit längstem denah gsehnt hend... ja guet simmer im Burgerlade inne, lueget die div. Combos ah, doch nirgends isch de super fein Burger z finde, de nett Mensch a de Kasse meint, er kennt das nöd - NEEEEEEEI !!! Janu gits halt mal wider so en 0815 Cheesburger verusse i de Sunne und wiiter gahts.
Bim Parkigang seit eus de Ranger dass d Hauptstrass für e längeri Strecki nur einsiitig befahr bar isch & das nur 1 mal pro Stund... So simmer chli gmüetlich in Park inegfahre, chli is Visitor center und denn wiiter zu de "Baustell", kurz vor dere hemmer denn na uf de Wiise uf de andere Flusssiite en Schwarzbäär xeh - de hammer!!!
Wiiiit de bewaldet Berg duruuuf simmer bi de extreeeeeeem idrückliche Sequoia Bäum acho und hend en Stop igleit. D Witerfahrt im Schneegebiet & Nebel und de Sequoiabäum isch eus sehr mystisch igfahre. De Kings Canyon hemmer leider nöd xeh, wills z neblig xii isch...
Jetzt simmer in Fresno im Motel & morn gahts denn wiiiter zum Yosemite NP.
CU soon then ;)
PS: wie geil isch das, z'mitzt im Death Valley erfahrt mer, dass ZSC Meister worde isch :D
Meister, schwiizer meister :-)
AntwortenLöschenviel spass z San Francisco !