Hi Leuteee
Hüt hemmer widermal fast nöd usem bettli möge... da aber d Sunne so wuuuunderschön i euses Zimmer gschunne het & de Pool vorem Zimmer so verlockend usxeh het, simmer losgfahre zum San Francisco abchecke... s Navi het eus de Weg i 1.5h versproche, jedoch hets nöd igrächnet.. dasmer ufem Interstate 80w, über d Brugg bi Oakland (Bay Bridge) für 8 Spuure muss e Toll-fee zahle und mind. 1h astaah isch da natürlich garantiert. Naja bi Sunneschii und em super Meerfeeling ischs ushaltbar xi, für eus natürlich widermal es Erläbnis.. Nurscho all die verschiidne Autos mit de Lüütlis z beobachte, mit de einte simmer denn sogar na is Gspröch cho :) sind scho mega offe & cool druff die lüt da. Mer hend den na 2 liechti Unfäll miterlebt, wo en Töfffahrer z nöch ufgfahre isch, was übrigens all amis machet!!die kennet das nöd anderst, voll übel - hetsen halt in vorderer Wage ghaue, hettem aber nöd vil gmacht wilmer ja eh agstande sind... aber ja strange.. und wemmer gad bi dem sind - euse Tacho isch wider voll & ganz debii und die chli ruehe Pause dutem sicher au guet ;)
Acho in San Fran, simmer mal zumne Motel gfahre, wo aber chli z tür xi isch.. so simmer zum nächste womer usem Internet na im Kopf gha hend - womer den gad buecht hend.. denn mitm Auto noimets heregaa i sonnere grossstadt - adios amigos... ezt simmer aso im Red Coach Motor Lodge, nahe Civic Center und "somne" Viertel wommer liieber miidet ide Nacht, het eus die lieb älter Chinesisch Frau a de Reception erklärt & eus gad alles mögliche mit ufe de Weg ge... PLUS isch ja am Manu sin Kolleg de Stev da, wo scho sit längerem i de City isch & eus alles chli chan zeige & erkläre =)
Agfange het die ganz City Sightseeingtour denn bim Chinesische Restaurant nebetem Hotel, womer für USD 5.95 en XXL Teller feinsts Cashew Nut Chicken mit Rice und Soup bechunnt, na dass isch doch mal en guete z Morge ;) Weiter simmer zum Union Square gloffe i ca. 20Minute.. bi hammer Wetter - Sunne und 24grad mindestens! Bi de eint oder andere Shoppingläde wie Victoria Secret (danke ad Corin für d Karte, mer hend aso all gad ufbrucht) Old Navy, American Eagle etc... Denn hemmer wie xeit de Stev troffe und eis zoge direkt ufem Union Square sind is Chinatown gloffe, für das hemmer dur es lustigs Tunnel müsse laufe, de Weg het sich aber glohnt, hemmer eus das chli inezoge und hend hunger becho... drum hemmer eus entschiide na wiiter is Italy Town z ga, wo na rächt gross isch eus aber ezt nöd soo vom hocker ghaue het, e feini Pizza isch denn aber natürlich scho dinegläge ;) Back in the Motel für eu de Blog am schriibe & bis morgen mit de topaktuelle news, family guy und de rest verabschiidet sich vo hüt & pix folget denn emal na...
Keine Kommentare:
Kommentar veröffentlichen